متحف الفضاء الروسي
مين عارف قصة غزو الفضاء الروسي؟؟
كنت سعيد جدا بزيارتنا لمتحف الفضاء الروسي في موسكو, والي مليان تفاصيل كتيرة عن برنامج الفضاء الروسي ونماذج مركبات وصواريخ ومحطات استخدموها على مدار عشرات السنين الي فاتت. تعالوا اقولكم على شويج حاجات تكونوا عارفينها لما تروحوا وانصحكم تشوفوا وثائقيات عن يوري جاجارين قبل ما تروحوا
الارض زرقاء والسماء مظلمة
تخيلوا ان الحقيقة الي كلنا عارفينها دي دلوقتي لم تكن معروفة قبل سنة 1961
قال الجملة دي يوري لما صعد االى الفضاء وشاف الارض من على ارتفاع 300 كيلومتر
تخيلوا ان دي حاجة كلنا عارفينها دلوقتي ومسلم بيها، الناس في الستينات كانت فاكره ان السماء زرقاء زي ما احنا شايفنها كدة.
سبحان الله بجد ان الانسان قدر يشوف عجائب خلقه من الاعلى كدة
رحلته حول الارض كانت 108 دقيقة فقط بسرعة 28000 كم في الساعة
بطل قومي عالمي
تحول يوري جاجارين الى بطل قومي سوفيتي وارسلوه حول العالم يعمل مؤتمرات يتحدث عن الانجاز السوفيتي وقد ايه هم قوى عظمى اقوى من امريكا كمان. جاء لزيارة مصر وعمل لقاء في الراديو كمان. للاسف مات يوري في حادثة طيران بعد هذا الانجاز ب5 سنين. المتحف مليان صوره في كل مكان في العالم زاره. صحف قومية وعالمية بتتكلم عن هذا الانجاز الانساني العالمي.
“” !!حين صعدت الى الفضاء اخدتني روعة الكون، فمضيت ابحث عن الله ….. فلم اجده “"
النصف الاول من الجملة هي الكلمات الي قالها يوري جاجارين بعد عودته الى الارض، لكن الحكومة السوفيتية غضبت وقتها من التصريح ده، وعلشان يصلح الموقف راح مزود كلمتين بعدها علشان تتماشى تصريحاته مع اتجاهات الدولة اللادينية وقتها. يعني الراجل لما وصل الفضاء بالفعل حس بعظمة الله وبديع خلقه لكن تراجع علشان السياسة بتاعت الروس وقتها كانت استغفرالله يعني الحادية
مين يعرف مين اول كائن حي يطلع الى الفضاء؟؟
قبل ارسال الانسان الى الفضاء، ارسل الروس الكثير من الكلاب، اولهم الكلبة لايكا، كلبة شارع صغيرة، وصلت الفضاء ولكن للأسف عادت ميتة. تطورت التجارب بعد فترة وارسلوا كلاب ورجعوا حيين وتم تحنيطهم والاحتفاظ بجثثهم في متحف الفضاء
العلماء الالمان ساعدوا الروس
بعد الحرب العالمية الثانية، قوى الحلفاء خطفوا واسروا علماء فيزياء واسلحة كتير من المانيا
وروسيا كان ليها النصيب الاكبر لانها هي الي اقتحمت برلين علشان تنهي الحرب العالمية الثانية
حطوا العلماء الالمان على العلماء الروس وطلعوا نتايج مبهرة في علوم الفضاء والصواريخ وقتها
الحقيقية غالبا ان يوري جاجارين كان اول انسان يصعد الى الفضاء ويعود حيا
الروس كانوا في سباق سريع جدا مع الامريكان اثناء الحرب الباردة في الستينات
وطبعا لان الاتحاد السوفيتي كان نظام بيعتمد على البروباجاندا للانجازات اخفاء الاخفاقات،
تقول الشائعات ان الروس عملوا اكتر من تجربة قبل كدة وفشلت، لكن تجربة يوري هي الي نجحت
وطبعا النظام كان نظام امني عسكري بالدرجة الاولى، كانت الحاجات دي مختفية وقيد الكتمان
الروس كانوا اول ناس توصل القمر وتعمل عليه هبوط بالمركبة لونا - وياخدوا عينات من التربة بواسطة الروبوتات وليس الانسان
الامريكان معرفوش يردوا على الانتصار الروسي غير سنة 1969 لما هبطت اول مركبة مأهولة على القمر وعليها رائد الفضاء نيل ارمسترونج، وساعتها اعتبر انتصار للامريكان على السوفييت في الحرب الباردة. بعد التسعينات، الاتنين تعاونوا في ما بعد سويا في رحلات فضائية كتيرة.
مقالات أخري
التعليقات