الجنوب الارميني
مين كان يتخيل هشوف الجمال ده في ارمينيا؟
بجد الجنوب الارميني مبهر جدا لحد دلوقتي شلالات وجبال واخاديد وكهوف واجواء حلوة جدا جدا.
اتعرفوا من الصور والسطور السريعة دي على يومي الرابع في ارمينيا:
- بدأت يومي بفطار جامد في فندق في مدينة جوريس Goris من اكبر بلدات الجنوب وفيها فنادق كتير. الفيو بتاع الفندق خطير وخدمته روعة Popock Hotel.
- روحت بعدها Khndzorsek واحدة من اقدم قرى الجنوب والي حرفيا تشبه *كبادوكيا* في تركيا. طبيعة الجبال وصخورها سمحت بحفر الكهوف والقنوات داخلها واتخذتها الناس منازل لمئات السنين.
- اسم القرية معناها *الاخدود العميق* لان موقع القرية على جامبي كانيون كبير وسط جبلين وتحتيه قنوات وانهار صغيرة للشرب.
- احلى حاجة هناك طبعا الكوبري المعلق الي يربط بين شطري القرية في الكانيون و الي طوله ١٦٠ متر. سلالم كتير عددها ٤٠٠ للوصول لتحت ولكن طبعا يستاهل كل خطوة. الوان المكان تجنن والطبيعة متزينة بألوان الخريف الجميلة.
- بعدهابساعة وصلت قرية *شاكي* Shaki والي فيها واحد من اكبر الشلالات الي في ارمينيا. عالي وعريض والمية مندفعة وغزيرة.
- احلى حاجة كمان انك تقدر تطلع فوق الشلال نفسه وتشوف مصادر المية بتاعته وهتلاقي شلالات تانية اصغر.
- الاماكن الي شوفتها رايقة وحلوة وفاضية جدا وبجد حرام السياحة تكون قليلة في بلد حلوة كدة.
مقالات أخري
التعليقات