استكشاف ارمينيا
ارخص تأشيرة اونلاين اخدتها في حياتي
٦ دولار فقط وفي ٣ ايام تقدر تسافر ارمينيا
وصلت البلد رقم ٦٨ في رحلتي حول العالم وتعالوا اقولكم عن انطباعات اول يوم ليا في رحلتي الاستكشافية السريعة دي:
- التاشيرة اونلاين بدون اي اوراق خالص وبتاخد ٣ ل ٥ ايام على حسب وقت التقديم. ما سمعتش حد اترفض فيها لحد دلوقتي بصراحة.
- طيران اوروبي وخليجي كتير بيسافر مطار يريفن والمفاجأة ان من مصر موجود طيران منتظم مباشر من شرم الشيخ
- العملة اسمها ال Dram والدولار بحوالي ٤٠٠ درام. تروا تغيروا في صرافات كويسة في المطار( الصورة تحت)
- اشتري من المطار خط انترنت سريع unlimited ومعاه مكالمات بحوالي ١٢ دولار. رخيص جدا.
- نزل تطبيق yandex زي اوبر كدة ومشوار المطار لوسط البلد حوالي ٤-٦ دولار.
- الاقامة في الهوستل بتبدأ ب٨ دولار في الليلة والفنادق الحلوة في وسط البلد بتوصل ١٢٠ دولار واكتر. هتلاقي اوبشنز تناسب ميزانيتك.
- الاكل الارماني بحبه من زمان جدا ومتوقع اجرب كتيييير منه في الرحلة. الاسعار معقولة لاول وجبة في مكان شيك وحلو حوالي ١٠ دولار.
- ارمينيا كانت دولة في الاتحاد السوفيتي زمان واخدت الاستقلال ١٩٩١ وهنلاقي الناس الكبار كلها بتتكلم روسي والعمارة والشوارع فيها روح اوروبا الشرقية جدا جدا جدا
- مدينة يريفن صغيرة وحلوة ونضيفة ومنظمة. فيها مزارات كتيرة لسه هتفرج عليها واحكي عنها في مقالات كتير. النهاردة اول يوم وصول بس.
مقالات أخري
التعليقات