محطات مترو موسكو
تخيل محطة مترو يكون الديكور بتاعها يكون حوالي 80 تمثال برونزي تكلفتهم ملايين الدولارات دلوقتي؟
محطات المترو في روسيا يا جماعة، متحف مفتوح للفن والجمال. كبلد شيوعية "بتقدس" قيمة العامل والفلاح، قامت الحكومة السوفيتية في سنة 1938 بتزيين محطة مترو Ploshchad Revolyutsii بتماثيل برونزية تمثل فئات الشعب والجيش المكافحين من اجل اعلاء الدولة السوفيتية وقتها. هتلاقوا التماثيل لعامل المصنع، مزارع الحقل، بحار وطيار، عامل منجم وطالب، لاعب كرة ورياضيين ... التماثيل لرجالة وستات واطفال كمان.
كمية التفاصيل الي موجودة في التماثيل رهيبة جداااااا. اللون البرونزي زي ما انتوا شايفيين كدة، لونه مطفي، ولكن هتلاقوا جزء من التمثال دائما ذهبي لامع جدا جدا .... مرة انف كلب، ومرة وركبة بنت، عارفين ليه؟
يوجد اعتقاد في اوروبا عموما، شوفته في بلاد اوروبية كتير، انك لما تحك او تلمس بإيدك تمثال برونزي في مكان معين بيجيب ليك حسن الحظ. علشان كدة لما بيركزوا على مكان واحد يلمسوه في الرايحة والجاية، المكان ده اصبح لامع مشع. لو وقفتوا تركزوا شوية هتلاقوا ناس كتير بتعمل كدة.
مقالات أخري
التعليقات