ازاي تلغي الحجز ببلاش؟
قبل ما أقولك تحجز إزاي، عايزك تطمن إنك تقدر تلغي حجزك وتسترد فلوسك كلها 100٪ لأي رحلة انت اشتركت فيها وبدون ابداء أي اسباب. خليني اطمنك إن ترافل سوا غير جميع شركات السياحة علشان عندنا اءمن وأعدل سياسة الغاء في مصر كلها. طريقة تعاقدنا مع شركات الطيران والفنادق مرنة جدا في الغاء الحجوزات بدون أي مصاريف عند الإلغاء قبل أكتر من 30 يوم من الرحلة وبعض الرحلات 7 أيام فقط قبل الرحلة.
طيب لو الإلغاء كان خلال 30 يوم قبل الرحلة، هل هخسر 100٪ من الفلوس؟ .... لا طبعا، بنحسب ليك التكاليف والمصاريف الفعلية الي تم دفعها لالغاء الحجوزات وبيتم بعدها ارجاع باقي المبلغ المستحق للعميل، سواء ارجاع نقدي في مكتبنا أو عن طريق مندوب التوصيل لحد باب البيت.
ليه تحجز مكانك دلوقتي بسرعة؟
لازم تحجز مكانك في رحلتنا في أسرع وقت لأن أسعار رحلاتنا ثابتة لعدد محدد فقط من المشتركين، ليه؟ احنا بنقدر نقدم رحلات حلوة جدا بأسعار ثابتة تنافسية علشان بنحجز تذاكر الطيران للمجموعات من بدري جدا وبأسعار كويسة. لو تذاكر الجروب خلصت بدري وحضرتك اتأخرت في الحجز وعايز تشترك، للأسف سعر الرحلة هيزيد لان أسعار الطيران معرضة للزيادة دائما. على سبيل المثال، رحلة رأس السنة إلى تايلاند السنة اللي فاتت، سعر التذكرة بعد نفاذ تذاكر الجروب زادت أكتر من 10 الاف جنية للتذكرة الواحدة.
جميع رحلات ترافل سوا بيكون ليها عدد أقصى محدد مسبقا، علشان نقدر نحافظ على جودة الرحلة ونحقق أقصى متعة لجميع المسافرين معانا في الرحلة، علشان كدة كل ما تحجز بسرعة، كل ما تلحق مكانك في الرحلة. طبعا الحمدلله احنا من انجح شركات الرحلات الجماعية في مصر والاماكن عندنا بتخلص بسرعة جدا في كل المواسم والأعياد والمناسبات.
ازاي تحجز معانا رحلتك؟
بعد ما تختار الرحلة المناسبة للأجازة بتاعتك، عندنا طرق كتيرة ممكن تحجز بيها مكانك معانا وانت مطمن:
- اسهل واسرع طريقة انكم تنورنا في مكتبنا في 58 ش ذاكر حسين – مدينة نصر – القاهرة، طوال أيام الأسبوع احنا موجودين من 10 الصبح ل8 مساء علشان نستقبلكم في مكتبنا. أيوة، الجمعة والسبت كمان احنا موجودين علشانكم. الدفع ممكن نقدا او ماكينة الفيزا مقابل إيصال استلام نقدية مختوم.
- نبعتلك مندوب التحصيل بتاعنا لتحصيل مقدم الحجز وأي ورق خاص باستخراج التأشيرة (في حالة إمكانية التقديم على التاشيرة في السفارة بالنيابة عن العميل) – ويتم تسليم إيصال موقع ومختوم من الشركة.
- تحويل او إيداع بنكي في احد فروع بنك الCIB – او إيداع في ماكينة ATM لبنك الCIB – ويتم ارسال صورة حافظة.ايصال الإيداع على الواتساب لاحد ممثلي خدمة العملاء، ويتم عمل وصل موقع ومختوم وارساله للعميل عن طريق الواتساب أيضا.
- الحجز أونلاين على الموقع الالكتروني للشركة من خلال بطاقة الائتمان على Secured Bank Portal
الاشتراك من خارج مصر
بالإمكان طبعا الاشتراك في أي من رحلاتنا من خارج مصر، بيتم احتساب تكلفة الرحلة بدون تكلفة الطيران الدولي من القاهرة وبيتم دفع قيمة الاشتراك بتحويل بنكي، تحويل نقدي Western Union ، او اونلاين على الموقع الالكتروني
